اَلْحَمْدُ لِلهِ الَّذِيْ خَلقَ اْلمَوْتَ وَالحَيوةَ لِيَبْلُوَكُمْ اَيُّكُمْ اَحْسَنُ عَمَلاَ.
َأَشْهَدُ أَنْ لَّا إِلٰهَ إِلَّا اللهُ وَحْدَهُ لَا شَرِيْكَ لَهُ. وَأَشْهَدُ أَنَّ سَيِّدَنَا وَحَبِيْبَنَا وَعَظِيْمَنَا وشفيعنَا وَقُرَّةَ أَعْيُنِنَا مُحَمَّدًٍا عَبْدُهُ وَرَسُوْلُهُ،وَصَفِيُّهُ وَحَبِيْبُهُ.
اَللّهُمَّ صَلِّ وسَلِّمْ وَبَارِكْ عَلَى سَيِّدِنَا مُحَمَّدٍ بْنِ عَبْدِ اللهِ، وَعَلَى آلِهِ وَصَحْبِهِ وَمَنْ وَّالَاهُ، وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ، وَلَا حَوْلَ وَلَا قُوَّةَ إِلَّا بِاللهِ.
أَمَّابَعْدُ، فَيَا عِبَادَ اللهِ أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ المُتقوُنْ . وَقالَ اللهُ تَعَالىَ: يَاأَيُّهَا الَّذِينَ آمَنُوا اتَّقُوا اللهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

Hadirin Jamaah Jumat ingkang Minulyo,
Wonten ing kesempatan ingkang sae meniko, monggo kito sareng-sareng tansah netepi taqwa dumateng Alloh Swt kanti nindaake sedoyo perkawis ingkang dipun perintahake lan nebihi sedoyo perkawis ingkang dipun larang, supados kito sesarengan pikantuk kabegjan lan kemulyaan, awit saking alam donyo ngantos mbenjang wonten ing akherat.

Poro sederek kaum muslimin rohimakumulloh,
Akhir-akhir meniko, khususipun wonten ing wulan Maret niki, kito nembe dipun uji kaliyan Gusti Alloh. Inggeh meniko kanti wontenipun Virus Corona utawi Covid-19. Ujian meniko mboten namung ten Indonesia, tapi virus meniko sampun menyebar wonten ing 157 negoro.
Kito saget miring lan mirsani wonten ing televise, Koran, internet, Whats Ap, Facebook lan media sanesipun, pembahasanipun namung setunggal inggeh meniko tentang virus Corona. Salah setunggalipun penyebab inggeh meniko saking pola hidup menungso ingkang kotor utawi mboten sehat lan bersih. Dene Gejala-gejala ingkang muncul kados dene pilek, batuk, sakit tenggorokan, sakit kepala, demam lan sanes-sanesipun.
Padahal Rosululloh SAW dawuh :
اَﻻِسْلَامُ نَظِيْفٌ فَتَنَظَّفُوْا فَاِنَّهُ ﻻَيَدْحُلُ الْجَنَّةَ اﻻَّ نَظِيْفٌ ﴿رﻭﺍهُ ﺍلبيهقى﴾
Artosipun : Agomo Islam iku agomo sing bersih, mongko iku siro kabeh kudu podho njogoho kebersihan. Kerono saktemene ora bakal mlebu suwargo kecuali wong-wong sih bersih. (HR. Baihaqi)

Kaum Muslimin, jamaah jamaah jumat ingkang dirohmati Alloh,
Kathah hal ingkang sampun dipun lampahi masyarakat dunia kangge ngantisipasi penyebaran virus meniko, termasuk saking pemerintah Indonesia. Milai saking himbauan kedah sering cuci tangan kalian sabun utawi antiseptic, Mboten datengi tempat-tempat keramaian, ngeliburake sekolah selama 14 hari (utawi kaleh minggu), Bahkan sakmeniko dibeberapa tempat, nggeh ten wonten ing Kecamatan Mayong, ngantos ngeliburake Jumatan kados ingkang kito lampahi sakmeniko.
Memang, virus corona meniko mboten namung masalahipun bongso kito, tapi masalah dunia. Tapi monggo, ngadepi masalah meniko kito ampun terlalu panic, ampun terlalu ajrih, nopo maleh gampang percados kaliyan berita-berita Hoax terkait virus Corona meniko.Tapi ingkang pasti kito kedah tetep ikhtiar terkait hal meniko. Keranten Alloh dawuh :

قُلْ لَنْ يُصِيْبَنَا إلاَّ مَا كَتَبَ اللهُ لَنَا هُوَ مَوْلاَنَا وَعَلَى اللهِ فَاْليَتَوَكَّلِ اْلمُؤْمِنُوْنَ
“Dawuhno Muhammad: Ora pisan-pisan salah suwijine perkoro iku bakal tumibo maring kita, kejobo opo kang wus di tetepake Allah maring kito, Allah iku bendoro kito, lan namung dateng Allah wong-wong kang iman kudu tawaakkal”
Ma’asirol muslimin, jamaah jumat ingkang minulyo.
Sak mboten-mbotene kangge ngadepi virus meniko, wonten kaleh (2) ikhtiar ingkang kito lampahi, inggeh meniko: Kanti ikhtiar Lahir lan ikhtiar batin. “Ikhtiar Dzohir” inggeh meniko ngelampahi tindakan fisik ingkang sifatipun medis lan “Ikhtiar Batin” utawi usaha ingkang hubunganipun kaleh Kekuasaanipun Alloh SWT.
Ikhtiar Lahir saget dipun lampahi kados dene ngelampahi standar ingkang sampun dipun tetepake saking pemerintah kanti langkah preventif-Efektif. Antawisipun:

  • Mastiake secara berkala bileh tangan kito dalam keadaan bersih,
  • Berprilaku Higenis, terutama hal pernafasan. Menawi Wahing utawi Watuk kedah nutup mulut utawi irung. Cuci tangan kaliyan sabun, lan menawi perlu ngagem masker.
  • Ingkang saklajengipun, njagi jarak nalikanipun ngendikan kaliyan tiyang ingkang nembe sakit flu.
  • Menjaga ketahanan tubuh, keranten virus meniko gampil sanget nular dateng tiyang ingkang ketahanan tubuhipun lemah.
  • Ingkang terakhir, kito kedah saget njagi makanan ingkang kito konsumsi. Njagi saking makanan ingkang mboten sae, langkung-langkung makanan daging ingkang setengah mateng utawi taseh mentah. Alloh dawuh :
  • كُلُوا۟ مِن طَيِّبَٰتِ مَا رَزَقْنَٰكُمْ ۖ وَمَا ظَلَمُونَا وَلَٰكِن كَانُوٓا۟ أَنفُسَهُمْ يَظْلِمُونَ

Poro sederek kaum muslimin r ohimakumulloh,
Selain Ikhtiar Lahir, Ikhtiar Batin ugi kedah kito lampahi kangge memerangi virus Corona meniko, sesuai ingkang sampun dipun sampeke deneng Pengurus Nahdlotul Ulama’. Inggeh meniko: Bileh sedoyo elemen bangsa, khususipun umat Islam kedah nyaketake diri
dateng Alloh SWT. Antawisipun : kanti taubat, nyuwun pangapunten dateng Alloh lan ninggalake prilaku dzolim. Keranten saget mawon wabah utawi penyakit meniko dados peringatan saking Gusti Alloh kersanipun Umat Islam saget langkung nyaketake diri dateng Alloh SWT. Antawisipun amalan ingkang saget dipun kathah-kathahake anggenipun dipun waos, inggeh meniko :
Sepindah, Sholawat Thibbil Qulub, utawi Sholawat Nurul Abshor
اَللّٰهُمَّ صَلِّ عَلٰى سَيِّدِنَا مُحَمَّدٍ طِبِّ اْلقُلُوْبِ وَدَوَاءِهَا وَعَافِيَةِ اْلأَبْدَانِ وَشِفَاءِهَا وَنُوْرِاْلأَبْصَارِ وَضِيَاءِهَا وَعَلٰى اٰلِهِ وَصَحْبِهِ وَسَلِّمْ
Kaping kaleh, Sholawat ingkang dipun ijazahake saking Habib Luthfi inggeh meniko:
بِسْمِ اللهِ الَّرحْمنِ الّرحِيْمِ اللَّهُمَّ صَلِّ عَلَى سَيِّدِنَا مُحَمَّدٍ وَعَلَى اٰلِ سَيِّدنَا مُحَمَّدٍ بِعَد َدِ كُلِّ دَاءٍ وَدَوَاءٍ
Poro sederek kaum muslimin rohimakumulloh,
Menikolah, ikhtiar-ikhtiar ingkang saget kito lampahi kangge ngadepi kondisi saat meniko. Mugi-mugi Alloh kerso ngelindungi kito saking marabahaya lan penyakit, lan kerso maringi kesehatan dateng kito sedoyo, kersanipun saget kangge ngibadah dateng Alloh SWT. Aamin.. Ya Robbal ‘Aalamiin..

بَارَكَ اللهُ لِيْ وَلَكُمْ فِي القُرْآنِ العَظِيْمِ وَنَفَعْنِي وَإِيَّاكُمْ بِمَا فِيْهِ مِنَ الآيآتِ وَالذِّكْرِ الحَكِيْمِ، أَقُوْلُ قَوْلِي هَذَا فَاسْتَغْفِرُوْهُ، إِنَّهُ هُوَ الغَفُوْرُ الرَّحِيْمُ.